Ferðamönn­um á Íslandi fjölg­ar um 11% á næsta ári og verða þeir í heild­ina 2,5 millj­ón­ir gangi spár grein­ing­ar­deild­ar Ari­on banka eft­ir. Helsti óvissuþátt­ur­inn er þróun flug­fram­boðs á næstu árum.

Spá grein­ing­ar­deild­ar var kynnt á fundi í höfuðstöðvum Ari­on banka í morg­un. Grunnsviðsmynd­in sýn­ir 11% fjölg­un árið 2018, 8% fjölg­un árið 2019 og 6% árið 2020 og verða ferðamenn þá orðnir 2,8 millj­ón­ir. Fleiri ferðamenn auka ekki aðeins tekjur þjóðarbúsins heldu bendir greiningardeildin á að fleiri ferðamenn auka álag á innviði og kalla á aukna þjónustu. Sterk króna hefur haft áhrif á dvalartíma auk neyslu- og ferðamynstur en endanleg áhrif gengisstyrkingar liggja ekki enn fyrir að því er kemur fram í spá greiningardeildar Arion banka. Rekstur ferðaþjónustufyrirtækja stendur almennt vel en greiningardeildin telur að breyttar aðstæður leiði til verulegra áskorana.

Bjart­sýn­asta sviðsmynd­ Arion banka sýn­ir tals­vert meiri fjölg­un en áður er getið um, eða um 18,4% á næsta ári, 15,3% árið 2019 og 13,6% árið 2020. Þá myndi fjöldi ferðamanna skaga hátt upp í 3,5 millj­ón­ir. Gert er ráð fyr­ir að flug­fé­lög vaxi af álíka krafti og und­an­far­in ár, sam­hliða því að
er­lend flug­fé­lög auka fram­boð sitt tals­vert líkt og síðustu ár.

Ef aðstæður þró­ast á þann veg að flug­fé­lög, bæði er­lend og inn­lend, draga úr flug­fram­boði sínu breyt­ist mynd­in. Svört­ustu spár grein­ing­ar­deild­ar sýna 7% lækk­un á næsta ári, 10% árið 2019 og 12% árið 2020. Væri fjöldi ferðamanna þá kom­inn niður í 1,6 millj­ón­ir sem þó væri enn meiri fjöldi en árið 2015.

smari@bb.is

Á eyrinni á Ísafirði er allnokkrar götur sem upphaflega voru ekki ætlaðar fyrir bílaumferð. Þrátt fyrir lágan hámarkshraða á götunum (30 km) er upplifun vegfarenda að hraðinn sé of mikill, enda er allri umferð blandað saman í þröngu rými. Stuttar sjónlínur á gatnamótum geta einnig valdið óöryggi. Þetta kemur fram í minnisblaði Verkís um hraðalækkandi aðgerðir á Ísafirði. Göturnar sem um ræðir eru Brunngata, Smiðjugata, Tangagata, Skipagata, Þvergata og Silfurgata. Í minnisblaðinu eru lagðar til leiðir til að lækka umferðarhraða.

Meðal þess sem er lagt er til er að þriggja metra akrein verði afmörkuð með máluðum línum á vegyfirborðið á þeim götum sem eru jafnt og eða stærri en 5m að breidd. Með þessu upplifa ökumenn að þrengt sé að þeim og veldur það lækkun hraða og með því afmarkast einnig svæði fyrir gangandi umferð. Einnig er lagt til að staðsetja blómaker, bekki o.þ.h. utan skilgreinda akreina og afmarka bílastæði til að draga úr líkum bílum sé lagt þar sem ekki er ætlast til.

smari@bb.is

Erlendum ríkisborgurum sem starfa hér á landi hefur fjölgað um 65 prósent á undanförnum fimm árum og um rúm 17 prósent á síðustu tólf mánuðum. Aldrei fyrr hafa svo margir erlendir ríkisborgarar starfað hér á landi. Þetta kemur fram í Markaðnum sem fylgir Fréttablaðinu í dag.

Þrátt fyrir þennan fjölda erlendra starfsmanna er skortur á starfsfólki í flestum greinum, einkum í byggingariðnaði og ferðaþjónustu. Sérfræðingar telja að hápunktur nálgist þegar litið er til spennu á vinnumarkaði.

Katrín Ólafsdóttir, lektor við Háskólann í Reykjavík og nefndarmaður í peningastefnunefnd Seðlabanka Íslands, segir mikla spennu á vinnumarkaði  en að mikil aukning erlendra starfsmanna vegi þar á móti. Ef ekki væri fyrir þá, væri staðan allt önnur. „Launaskrið og verðbólga hefðu þá gert vart við sig og okkur hefði ekki tekist að þjóna öllum þeim ferðamönnum sem hér eru,“ er haft eftir Katrínu í Markaðnum.

smari@bb.is

Erla Kristinsdóttir hefur verið ráðin fjármálastjóri Heilbrigðisstofnunar Vestfjarða. Umsóknarfrestur um stöðuna rann út 17. ágúst og bárust sjö umsóknir um starfið. Erla er fædd árið 1979.  Hún lauk B.Ed. námi 2006 og MA námi í alþjóðasamskiptum frá University of Kent í Brussel 2009. Þá lauk hún námi sem viðurkenndur bókari við Háskólann í Reykjavík árið 2011 og M.Acc. gráðu í reikningshaldi og endurskoðun frá sama skóla í janúar 2016.

Erla starfaði áður sem kennari í tungumálum og bókfærslu við grunnskólann í Bolungarvík og á Seltjarnarnesi en frá 2006 hefur hún einkum starfað við bókhald, afstemmingar, launaútreikninga, gerð ársreikninga og framtala, rekstraruppgjör og áætlanagerð. Á árunum 2009-2014 var Erla með eigin rekstur á sviði bókhalds en hefur síðustu ár starfað á endurskoðunarsviði KPMG í Reykjavík.

Aðrir umsækjendur um stöðuna voru;

Abdelli Mohammed

Jón Ingi Skarphéðinsson

Kristinn H. Gunnarsson

Margrét Högnadóttir

Maron Baldursson

Þuríður Sigurðardóttir

smari@bb.is

Fjórðungssamband Vestfirðinga auglýsir nú eftir styrkjum úr nýjum sjóð sem heitir Straumar. Fyrirmynd Strauma er norskt verkefni sem þróað var í Vesterålen og hafa bæði Menningarráð Eyþings og Austurbrú nýtt sér þessa hugmyndafræði og eru Straumar hluti af Sóknaráætlun Vestfjarða.

Sjóðurinn er ætlaður fyrir brottflutta listamenn, á aldrinum 20 – 35 ára, sem hafa áhuga á að koma á sínar heimaslóðir og iðka eða sýna list sína. Umsóknarfrestur er til 24. september og þegar honum lýkur verður valinn hópur úr ólíkum listgreinum. Hópurinn hittist síðan og ræðir verkefnin og vonast er til að það samtal leið af sér samvinnu listafólksins. Að sögn Skúla Gautasonar, menningarfulltrúa Vestfjarða, eru mikla væntingar bundnar við verkefnið, sérstaklega til samstarfs listafólks úr ólíkum greinum en af slíku hafa oft skapast nýstárlegir og spennandi listgjörningar. Skúli hvetur Vestfirðinga að hnippa í sitt fólk sem hrærist í listaheiminum og hvetja það til að sækja um.

bryndis@bb.is

Sundlaugin á Flateyri hefur verið lokuð frá því um miðja síðustu viku en bót í máli er að heitu pottarnir sívinsælu hafa verið opnir. Ástæða lokunarinnar er bilun í hreinsibúnaði sem erfitt hefur reynst að komast fyrir. Samkvæmt upplýsingum frá Ísafjarðarbæ er stefnt á opnun laugarinnar í dag.

smari@bb.is

Á mánudagskvöld var nýliðakynning hjá Björgunarfélaga Ísafjarðar og var vel mætt enda hentar starf í björgunarsveitum vel fyrir þá sem hafa áhuga á útivist, fjallamennsku, bátsferðum, sleðamennsku, fyrstu hjálp og síðast en ekki síst að vilja láta gott af sér leiða.

Á facebook síðu Björgunarfélagsins kemur fram þeir sem misstu af kynningunni í gær geti mætt næsta mánudag á fund sem haldinn verður í Guðmundarbúð, húsnæði félagsins.

bryndis@bb.is