Útlit er fyr­ir kröft­ug­an hag­vöxt í ár en að það hægi á gangi hag­kerf­is­ins þegar líður til árs­ins 2023. Þetta kem­ur fram í þjóðhags­spá Hag­stofa Íslands sem gef­in var út í dag. Spá­in nær yfir árin 2017 til 2023.

Gert er ráð fyr­ir að á ár­inu 2017 auk­ist lands­fram­leiðslan um 4,9%, einka­neysla um 7,8% og fjár­fest­ing um 8,8%. Árið 2018 er reiknað með að hag­vöxt­ur verði 3,1%, einka­neysla auk­ist um 5,3% og fjár­fest­ing um 3,1%. Talið er að sam­neysla auk­ist um 2,2% árið 2017 og 1,3% árið 2018. Árin 2019–2023 er gert ráð fyr­ir að vöxt­ur lands­fram­leiðslu verði í kring­um 2,6%, einka­neyslu­vöxt­ur minnki úr 3,6% árið 2019 í 2,5% árið 2023, fjár­fest­ing auk­ist um 2,1–3,9% og sam­neysla ná­lægt 1,8% á ári.

Fjár­fest­ing eykst hæg­ar á næst­unni en und­an­far­in ár. Spáð er mikl­um vexti íbúða­fjár­fest­ing­ar og op­in­berr­ar fjár­fest­ing­ar en sam­drátt­ur verður meðal ann­ars í stóriðju­tengdri fjár­fest­ingu árið 2018 og síðar. Viðskipta­jöfnuður verður áfram já­kvæður en versn­ar held­ur þegar líður á spá­tím­ann. Gengi krón­unn­ar styrkt­ist fram­an af ári en gaf eft­ir þegar á leið. Tólf mánaða verðbólga er enn lág en bú­ist er við að hún auk­ist nokkuð þegar áhrifa geng­is­styrk­ing­ar hætt­ir að gæta. Íbúðaverð hef­ur hækkað skarpt frá miðju ári 2016 en bú­ist er við að aukið fram­boð fast­eigna á næstu árum dragi úr spennu á íbúðamarkaði.

Mikið grjót­hrun varð á Ketildala­vegi vest­an Bíldu­dals á sunnu­dag­inn. Í frétt á vef Vega­gerðar­inn­ar seg­ir að „mynd­ar­leg­ir stein­ar“ hafi fallið á veg­inn og þá hafi þurft að fjar­lægja með stór­virk­um vinnu­vél­um. Sem bet­ur fer var eng­inn á ferð þarna þegar grjót­hrunið átti sér stað, seg­ir í frétt­inni.

Ketildala­veg­ur ligg­ur út í Selár­dal og á leiðinni eru tveir bæir þar sem er bú­seta; Hvesta og Græna­hlíð. Grjót­hrunið varð við Svart­hamra, ekki langt frá Bíldu­dal, áður en komið er í Hvestu­dal. Sjá á kort­inu hér fyr­ir neðan. Grjót­hrun er al­gengt á þessu svæði en sjald­gæft að svo stór­ir stein­ar hafni á veg­in­um.

Búið er að hreinsa allt af veg­in­um.

Á vef Landssambands smábátaeigenda (LS) er bent á að eftir hækkun veiðigjalda um síðustu kvótaáramót eru veiðigöld félagsmanna um 9 prósent af aflaverðmæti. Fyrsti gjalddagi eftir hækkunina var nú þann 1. nóvember og er sá reikningur fyrir afla sem veiddist í september. Veiðgjöld í ýsu og þorski, sem er uppistaðan í afla smábáta, hækkuðu um 107 til 127 prósent milli ára.

Í frétt á vef LS segir að sambandið hafi talað fyrir daufum eyrum þegar vakin er athygli á rúmlega tvöföldun veiðigjalda.

„Alþingismenn virtust og virðast þó hafa á hreinu að eitthvað þarf að gera til að koma til móts við litlar og meðalstórar útgerðir.  LS hefur bent á leið sem hægt er að fara og væntir þess að nýkjörnir alþingismenn láti málið til sín taka strax og þingstörf hefjast,“ segir á vef LS.

Í fréttinni er haft eftir ónafngreindum smábátasjómönnum að hækkunin sé „brjálæði“ og einhverjar útgerðir eru við það að gefast upp. Einn sjómaðurinn grípur til líkinga þegar hann tjáir sig um hækkunina: „Við erum 2 um borð, nú hefur fjölgað um einn og hálfan háseta sem ekki láta sjá sig, en þiggja fulla greiðslu.“

Eins og áður hefur verið greint frá ætlar Ísafjarðarbær að standa fyrir íbúakönnun þar sem kanna á hug íbúanna til framtíðarsýnar fyrir Sundhöll Ísafjarðar. Síðasta vetur var hugmyndasamkeppni um breytingar á Sundhöllinni og sitt sýnist hverjum um tillögurnar eins og gengur og einnig eru skiptar skoðanir um þá ráðstöfun að fjárfesta fyrir fleiri hundruð milljónir í 16 metra langri sundlaug.

Bærinn hefur samþykkt tilboð Félagsvísindastofnunar Háskóla Íslands í gerð könnuninnar. Á fundi bæjarstjórnar í gær lagði Daníel Jakobsson, oddviti Sjálfstæðisflokksins, áherslu á að farið verði í skoðanakönnun í stað vefkosningu á vef Ísafjarðarbæjar. Daníel segir að markmið með íbúakönnun hljóti að vera að komast að vilja hins almenn íbúa og skoðanakönnun þar sem úrtakið er 500-1000 manns fái þann vilja betur fram en vefkosning þar sem þátttakendur þurfa að hafa Íslykil sem hann telur að verði hindrun fyrir eldri borgara. Að auki telur hann líkur á að fylkingar fari í „kosningagír“ og reyni að vinna kosningarnar sem hann segir að muni leiða til sundrungar í samfélaginu.

Á fundi bæjarstjórnar var málinu vísað til bæjarráðs sem fékk heimild til að afgreiða það.

Undanfarið ár hefur Vesturbyggð unnið að undirbúningi fyrir verkefni sem ætlað er að kortleggja stöðu atvinnumála í sveitarfélaginu og hvernig hægt er til framtíðar að skapa aðstöðu fyrir þau fyrirtæki sem hafa vaxið hratt og hafa hug á að efla sig enn frekar innan sveitarfélagsins. Með auknu fiskeldi, ferðaþjónustu og aukningu í öðrum atvinnugreinum hefur orðið viðsnúningur í atvinnumálum í Vesturbyggð. Þetta hefur einnig gert það að verkum að nokkurskonar vaxtaverkir hafa orðið m.t.t innviða eins og á hafnarsvæðum, á fasteignamarkaði svo dæmi séu nefnd.

Nú er þessi vinna hafin og nefnist verkefnið „Greining á uppbyggingu innviða, aðstöðusköpunar og uppbyggingar þjónustu í Vesturbyggð“. Verkefnið er unnið af verkfræðistofunni EFLU í samstarfi við Vesturbyggð.

Verkefnið var stuttlega kynnt á íbúafundi á Bíldudal þann 19. september. Nú er fyrsta skref verkefnisins að hefjast og mun verða opinn fundur með fyrirtækjum sem þjónusta t.d fiskeldi, ferðaþjónustu og aðrar stærri atvinnugreinar innan Vesturbyggðar.

Fundur fyrir fyrirtæki í fiskeldi og skyldum atvinnugreinum verður haldinn  miðvikudaginn 8. nóvember klukkan 15-16:30 í félagsheimilinu á Patreksfirði.

Fundur fyrir fyrirtæki í ferðaþjónustu og skyldum atvinnugreinum verður haldinn fimmtudaginn 9. nóvember klukkan 17-18:30 í félagsheimilinu á Patreksfirði.

Á fundinum verða nokkra spurningar lagðar fram og verður fundarmönnum skipt í hópa 4-8 manns. Einn hópstjóri verður í hverjum hóp, fulltrúi frá verkfræðistofunni EFLU eða Vesturbyggð, og mun hann leiða umræðuna og rita fundargerð.

Sveitarstjórn Súðavíkurhrepps hefur ákveðið að kalla til íbúaþings í sveitarfélaginu helgina 17. – 19. nóvember. Hugmyndin er að flétta saman helgardagskrá þar sem „samvinna, félagslíf, gleði, sameiginlegar og andstæðar hugmyndir og ástríða fyrir sveitarfélaginu er blandað saman eina helgi í nóvember,“ eins og segir á heimasíðu Súðavíkurhrepps. Útkoman er á að vera sameiginleg framtíðarsýn, gildi og markmið Súðvíkinga inn í framtíðina.

Dagskráin verður gróflega á þessa leið:

Á föstudeginum verður Pizzuhlaðborð á Jóni Indíafara kl. 18. Barnadiskótek í skólanum kl. 20 undir stjórn unglingana í félagsmiðstöðinni.

Sjálft þingið fer fram í Samkomuhúsinu í Súðavík laugardaginn 18. nóv. og sunnudaginn 19. nóv.

Sigurborg Kr. Hannesdóttir heldur utan framkvæmd og vinnu þingsins. Sigurborg er sérfræðingur í íbúalýðræði og aðkomu íbúa að vinnu og mótun sveitarfélaga. Sigurborg hefur haldið íbúaþing um land allt og er einn helsti sérfræðingur sveitarfélaga í þessum málaflokki.

Laugardagskvöldið verður síðan helgað gleði, sögum, söng og mat.

Kótilettu- og sagna kvöld verður í Samkomuhúsinu kl. 18. Sagnakvöld er upphaflega skoskur siður þar sem menn og konur stíga á stokk, undir skálaglaum gesta, og segja dauðlegar og ódauðlegar sögur.

Verð fyrir mat 2500 kr.

Kvöldinu verður síðan snúið upp í dansleik með stórhljómsveit Árna Þorgilssonar.

Menningar- og ferðamálaráð Bolungarvíkurkaupstaðar auglýsir eftir styrkumsóknum. Samkvæmt úthlutunarreglum er tilgangur styrkjanna er að efla menningu og ferðaþjónustu í Bolungarvík og geta umsækjendur verið einstaklingar, fyrirtæki, félagasamtök og stofnanir. Að öllu jöfnu er styrkirnir ekki hærri en 100.000 kr. og getur ekki verið hærri en sem nemur helmingi kostnaðar við verkefnið. Úthlutað er úr sjóðnum fjórum sinnum ári.

Hægt er að skoða nýj­ar 360° götu­mynd­ir af nær öll­um sveita­fé­lög­um lands­ins á korta­vef Já.is. Tekn­ar voru ríf­lega fimm millj­ón­ir mynda í sum­ar á sér­út­bún­um Toyota Yar­is Hybrid bíl en verk­efnið var unnið í sam­starfi við Toyota á Íslandi.

Í fréttatil­kynn­ing­u er haft eft­ir Mar­gréti Gunn­laugs­dótt­ur hjá Já.is að mik­il­vægt sé að end­ur­nýja mynd­irn­ar reglu­lega til að sýna sem rétt­asta mynd af göt­um lands­ins. „Í ár tók­um við ákvörðun um að end­ur­nýja all­an mynda­grunn­inn okk­ar og keyra um allt land. Þá hef­ur tækn­inni einnig fleygt fram og nýr tækja­búnaður var tek­in í notk­un. Jafn­framt er nú hægt að skoða mynd­irn­ar í nýju viðmóti. Þegar við mynduðum fyrst árið 2013 fylgdi Google í kjöl­farið og myndaði götu­mynd­ir.Þessi upp­færsla á korta­vef Já býður því upp á fleiri og nýrri mynd­ir.“

Í sam­ræmi við per­sónu­vernd­ar­lög eru and­lit og bíl­núm­er skyggð á mynd­un­um. Jafn­framt birt­ast ein­göngu 360° mynd­ir við heim­il­is­fang þeirra sem hafa gefið upp­lýst samþykki en hægt er að gefa samþykki fyr­ir birt­ingu mynd­ar á skran­ing­ar.ja.is . Korta­vef­ur­inn var sett­ur í loftið fyr­ir fjór­um árum síðan og hef­ur notk­un­in auk­ist ár frá ári. Mánaðarleg­ir not­end­ur nú eru um 240 þúsund.

Kristinn Pétursson, fyrrv. þingmaður og verkefnissstjóri fyrirhugaðrar Austurgilsvirkjunar í Ísafjarðardjúpi, skrifar mikla stuðningsyfirlýsingu við Hvalárvirkjun á Facebooksíðu sína. Hann bendir á að talað hefur verið um að virkja Hvalá í áratugi, eða frá því fyrir 1950. Hann segir einnig að þeir sem standa fyrir verkefninu í dag hafa kostað til milljarða í undirbúning og rannsóknir. „Hver ætlar að borga þá milljarða, ef fara á í eignarupptöku á verkefni sem búið er að leyfa? Já það er eignarupptaka að ætla að eyðileggja verkefnið núna. Þá þarf einhver að borga. Hver?“ spyr Kristinn.

Kristinn nefnir einnig að virkjunin sé í nýtingarflokki rammaáætlunar og landeigendur hafi gert skriflega samninga við Vesturverk ehf. um nýtingu vatnsréttinda. Hann telur það vera eignarupptöku ef verkefnið verður stöðvað núna.

Hann telur að Hvalárvirkjun verði lyftistöng fyrir ferðaþjónustu á Ströndum. „Ferðamannaiðnaður á Vestfjörðum á betri sóknarfæri strax þegar virkjunin kemst á framkvæmdastig. Þá kemur fljótlega sumarvegur yfir Ófeigsfjarðarheiði þar sem háspennustrengur yrði lagður í vegkanti þjónustuvegar við háspennustrenginn. Ferðamenn geta þá ekið þann veg „hringinn“ – frá Ströndum í Djúp og öfugt,“ skrifar Kristinn.

Honum finnst vera kominn tími til að mótmælendur á höfuðborgarsvæðinu fari að íhuga hvort það sé ekki „óviðeigandi dónaskapur að ástunda sífellt ýktan áróður í fjölmiðlum um áhrif Hvalárvirkjunar. „Mér finnst það eðlilegir mannasiðir að láta fólkið á Ströndum í friði með sín áform.“

Upp hafa komið hugmyndir um að stofna þjóðgarð á Ströndum í stað virkjunar. Kristinn segir að næg svæði séu á Vestfjörðum fyrir þjóðgarð norðan Árneshrepps ef landeigendur og Ísafjarðarbær vilja það. „Aðgengi að þeim þjóðgarði yrði auðveldara með virkjun Hvalár og kominn sumarvegur milli Stranda og Djúps og hægt að „aka hringinn“. Án Hvalárvirkjunar komast fáir á svæðið nema þá nokkrir „sérútbúnir fjallagarpar“. Almenningur kemst aldrei á þetta svæði, nema það verði virkjað og það komi sumarvegur með lagningu háspennustrengs í vegkanta á sumarvegi milli Stranda og Djúps,“ skrifar Kristinn.

Opnað hefur verið fyrir umsóknir í uppbyggingarsjóð Vestfjarða. Úr sjóðnum eru veittir styrkir til atvinnuþróunar- og nýsköpunarverkefna, menningarverkefna og stofn- og rekstrarstyrkir til menningarstofnana. Til úthlutunar árið 2018 eru um 50 milljónir króna og er gert ráð fyrir einni úthlutun. Tekið hefur verið í notkun nýtt rafrænt umsóknarkerfi sem nú er að mestu samræmt fyrir landið allt. Umsóknarfrestur er til miðnættis 21. nóvember.

Við ákvörðun um úthlutun verður sérstaklega litið til verkefna sem uppfylla eitt eða fleiri eftirfarandi skilyrða:

• Verkefni sem efla nýsköpun og atvinnuþróun á svæðinu
• Verkefni sem stuðla að vöru- og gæðaþróun í starfandi fyrirtækjum
• Verkefni sem mynda atvinnutækifæri og auka fagmennsku á sviði lista og menningar
• Verkefni sem efla samstarf, ýmist á milli svæða, listgreina, fyrirtækja eða rannsóknaraðila
• Verkefni sem styðja við uppbyggingu og eflingu menningartengdrar ferðaþjónustu
• Verkefni sem skapa störf fyrir háskólamenntaðar konur og ungt fólk á svæðinu
• Atvinnuþróunar- og nýsköpunarverkefni sem eru gjaldeyrisskapandi
• Atvinnuþróunarverkefni sem eru á sviði líftækni

Uppbyggingarsjóður er hluti af sóknaráætlun Vestfjarða og í umsjón Fjórðungssambands Vestfirðinga. Hann veitir styrki til menningar, atvinnuþróunar og nýsköpunar. Uppbyggingarsjóður varð til með samningi ríkis og Fjórðungssambands Vestfirðinga um Sóknaráætlun Vestfjarða 2015-2019 sem undirritaður var 10. febrúar 2015.