Veginum um Raknadalshlíð í Patreksfirði og Kleifaheiði var lokað nú í kvöld. Snjóflóð hafa fallið á þessu svæði og er talin hætta á fleiri flóðum næstu klukkustundirnar. Þetta kemur fram í tilkynningu frá lögreglunni á Vestfjörðum.
Í fyrramálið verður staðan metin með opnun í huga.
Vegagerðin greindi frá því rétt áðan að snjóflóð hafi fallið rétt neðan við gangnamunnann í Botnsdal í Súgandafirði. Vegurinn er því lokaður.
Vegfarendur sem þurfa að fara þessa vegi eru hvattir til að fylgjast með upplýsingum um veður og færð á vefsíðunni umferdin.is, sjá hlekkinn hér að neðan.
https://umferdin.is/kafli/90530
