Rauði krossinn í Barðastrandasýslu afhenti Laufinu á Barðaströnd, Eyraseli á Patreksfirði, Vindheimum á Tálknafirði og Muggsstofu á Bíldudal hjartastuðtæki. Ágóði nytjamarkaðar Rauða krossins á Patreksfirði var nýttur í kaupin á tækjunum.
Tækin eru í eigu Rauða krossins en verða staðsett á starfsstöðvum félagsstarfanna um ókomna tíð.
Sjálfboðaliðar Rauða krossins afhentu tækin í síðustu viku.
Deildinni eru færðar bestu þakkir fyrir tækin sem munu auka öryggi gesta og starfsfólks og jafnframt auka aðgengi allra íbúa að hjartastuðtækjum. Þrátt fyrir það eru vonir um að aldrei verði þörf á notkun þeirra.
