Bragi Þór Thoroddse, sveitarstjóri segir að Súðavíkurhreppur hafi verið að semja við nýjan rekstraraðila á Kaupfélaginu – versluninni í Grundarstræti.
Nýr aðili heitir Sunnvør Johannesen og býr í Súðavík. Sunnvør kemur frá Færeyjum og kom með manni sínum, Jónstein Jóhannesen sem vinnur hjá Háafelli við fiskeldi.
Samningurinn felur í sér rekstur verslunar og léttan veitingarekstur í Grundastræti auk þess sem rekstraraðili mun sjá um mötuneyti fyrir Súðavíkurskóla.
Nýr rekstraraðili tekur við rekstri í dag, þann 1. nóvember 2024 og opnar vonandi sem fyrst.
