Haizebegi hátíðin í Bayonne í Baskahéruðum Frakklands og Spánar stóð frá 3.- 13. október s.l. og var dagskráin fjóra síðustu daga hátíðarinnar tileinkuð Íslandi.
Íslenskt lista- og fræðafólk var áberandi í dagskránni fjóra síðustu daga hátíðarinnar með Baskavinafélagið í fararbroddi. Haizebegi er samstarfsaðili Baskavinafélagsins í Baskaverkefninu sem styrkt er af Creative Europe og voru aðrir samstarfsaðilar, Albaola í Pasaia og Háskólasetur Vestfjarða, einnig þátttakendur á hátíðinni.
Meðal atriða frá Íslandi voru kvartettinn Umbra Ensemble og Elfar Logi Hannesson sem flutti Sanna frásögu Jóns lærða á íslensku, en textað var á basknesku. Fjölskyldan frá Djúpavík fjölmennti á hátíðina sem fór fram bæði í Bayonne og í fornbátasafni Albaola í Pasaia, í útjaðri San Sebastian.
Fyrsti áfangi Baskaseturs var opnaður í Djúpavík í vor í samstarfi þessara aðila og verður formleg opnuð Baskaseturs næsta sumar.
Nánari upplýsingar á vef Baskavinafélagsins :
Elfar Logi Hannesson á basknesku hátíðinni.
Myndir: aðsendar.
