Gunnar Davíðsson er Þingeyringur sem fyrir rúmlega 40 árum flutti til Noregs til að stunda nám, en ílentist og hefur búið þar síðan. Gunnar er búsettur í Tromsö í norðurhluta Noregs og starfar við fylkesstjórn Troms fylkis, sem er fylki með um 170 þúsund íbúum.
Gunnar er sjávarútvegsfræðingur eða Master í fiskeri og havbruksvitenskap frá Háskólanum í Tromsö sem nú heitir Norges Arktiske Universitet.
Á menntaskólárunum í Menntaskólanum á Ísafirði, árin 1978-1982, var Gunnar einn af stofnendum antisportistaklúbbs og lét lítið að sér kveða á vettfangi íþrótta. En honum snérist hugur þegar til Tromsö var komið og stundaði júdó af miklum móð, bæði sem keppandi og þjálfari í rúm 30 ár eða þar til hann ekki gat stundað þá íþrótt lengur vegna fingurkreppu (Dupuytrens). Hann kynntist þar stúlkunni, Marit Husmo, frá Náttlandi á Svartlandi sem er í norðurhluta Nordland fylkis, og sem seinna giftist honum og á með honum tvö börn, Lilju Marie og Björn Viljar. Börnin eru komin vel á legg og flutt að heiman, en stúlkan býr í Glasgow og hannar þar leikbúninga og saumar eftir nám í Queen Margret háskólanum í Musselburgh í Edinborg í Skotlandi. Drengurinn er hins vegar í iðnnámi í Kjöpsvík við Narvík, prosessindustri, framleiðslutækni í efnaiðnaði.
Gunnar og Marit hafa verið tíðir gestir á Íslandi öll sín búskaparár, þó þau hafi verið búsett í Noregi, og koma til landsins tvisvar til þrisvar á ári. Þau eiga bústað í Borgarfirði þar sem þau dveljast á hverju sumri og stundum um jól og páska og ferðast þá gjarnan um landið með tjaldi, tjaldvagni eða hjólhýsi hin seinni ár.
Starf Gunnars við fylkesstjórn Troms felst í stjórnunarstörfum innan sjávarútvegsgreina, þar á meðal eldi. Fylkið sér meðal annars um meðferð á umsóknum um eldisleyfi í fylkinu, en um 250.000 tonn af laxi er framleidd í fylkinu árlega. Aðalstarf Gunnars er að hafa yfirumsjón með leyfisveitingum þessum og verkefnum sem styrkja og byggja upp þekkingu á þeim þáttum sem eldið bæði þarfnast og getur haft áhrif á, til að tryggja sjálfbærni framleiðslunnar eins og unnt er.
Eitt að aðaláhugamálum Gunnars er uppbygging eldis á Íslandi, og þá sérstaklega á æskuslóðum hans á Vestfjörðum. Hann er ötull talsmaður eldisins og vill gjarnan að sjá að sá hagvöxtur og uppbyggingu samfélags sem fylgir eldinu sem hann sjálfur hefur orðið vitni að í Norður-Noregi, geti átt sér stað fyrir vestan. Hefur Gunnar því tekið öllum boðum um að segja frá reynslu sinni og þekkingu, bæði fyrir vestan og eins á fundum og ráðtefnum um lagareldi á undanförum árum og áratugum. En síðastu tvö ár hefur hann setið i stjórn Lagarlífs, og hélt einmitt erindi um félagsleg áhrif fiskeldis í sveitarfélögum í Norður Noregi síðastliðinn miðvikudag á ráðstefnu um fiskeldi í Hörpu.
Þess má geta að Gunnar hefur um árabil reynt að komast yfir nokkrar spólur sem hann vantar í Megasarsafnið sitt.
