Veðurstofa Íslands segir að gera megi ráð fyrir talsverðri rigningu eða vætu í dag þegar lægð og lægðardrag fer yfir. Mesta úrkoman verður á Sunnanverðum Vestfjörðum, Barðaströnd og Snæfellsnesi. Uppsöfnuð úrkoma er spáð ná tæplega 140 mm á 24 klst á Sunnanverðum Vestfjörðum og Barðaströnd.
Vegna úrkomu síðustu daga sé meir bleyta til staðar í jarðvegi sem eykur hættuna á skriðuföllum. Varað er við aukinni hættu á skriðuföllum og vatnavöxtum á sunnanverðum Vestfjörðum, Barðaströnd, Snæfellsnesi og innsveitum Suðurlands.
Þá kemur fram að þrjár skriður hafi fallið á Barðaströnd, í hlíð milli Miðhlíðar Ytri og Innri-Múla. Þær náðu ekki vegi.
Uppfært kl 12:30. Veðurstofan hefur nú greint frá því að eftir athugun reyndust þetta eldri skriður sem féllu í vatnsveðri í júlí.
