Kirkjudagar þjóðkirkjunnar hefjast nú um helgina með kveðjumessu frú Agnesar M. Sigurðardóttur biskups Íslands í Dómkirkjunni í Reykjavík sunnudaginn 25. ágúst kl. 11:00.
Síðan færast kirkjudagarnir yfir í Lindakirkju þar sem þeir verða settir formlega kl. 16:00 sama dag.
Til gamans má geta þess að 75 einstaklingar sjá um 40 málstofur, sem fara fram síðdegis og á kvöldin alla vikuna.
Því til viðbótar koma 50 sjálfboðaliðar auk annars starfsfólks að fjölskylduhátíðinni sem er laugardaginn 31. ágúst.
16 kórar af öllu landinu hafa skráð sig til leiks í Sálmafossinum sem verður föstudaginn 30. ágúst. og munu þeir ásamt einsöngvurum syngja úrval úr nýju sálmabókinni. Meðal þeirra kóra sem þar koma fram er kór Ísafjarðarkirkju
Því má gera ráð fyrir að yfir 600 manns komi að dagskrá kirkjudaganna með einum eða öðrum hætti í tæplega 100 dagskráratriðum.
