Hreppsnefnd Árneshrepps samþykkti í sumar að óska eftir því að Vegagerðin kanni möguleika á hönnun vegar yfir Naustvíkurskörð.
Naustvík er í Reykjarfirði norðanverðum innan til við Kjörvogshlíð, en þar er oft veruleg vetrarófærð.
Leiðin upp úr Naustvíkinni liggur yfir skörðin og niður í Trékyllisvíkina og er um 3,5 km löng. Eftir því sem næst verður komist er mesta hæð 251 metri yfir sjávarmáli.
![](https://www.bb.is/wp-content/uploads/2024/08/Naustvikurskord_kort.jpg)
Naustvíkurskörð. Mynd: Wikiloc.
![](https://www.bb.is/wp-content/uploads/2024/08/Nausvikurskord_snid.png)
Snið af Naustvíkurskörðum. Mynd: Wikiloc.