Út er komin bókin Búverk og breyttir tímar og fjallar hún um nokkur verk og verkfæri sem alþekkt voru á síðustu öld en hafa nú ýmist horfið úr verkahring eða breyst í helstu atriðum. Þannig er minnt á þungan straum tímans en líka þróun þekkingar og tækni. Verkmenning þessa tíma íslensks þjóðlífs breyttist, ýmist í hægum síganda eða stórum stökkum.
Saga varð til og í þessari bók eru brot af henni sögð. Höfundur er landsþekktur fyrir vinsælar bækur sínar um sögu landbúnaðar.
Höfundirinn Bjarni Guðmundsson veitti lengi forstöðu Landbúnaðarsafni Íslands auk rannsókna- og kennslustarfa á Hvanneyri.
![](https://www.bb.is/wp-content/uploads/2024/08/Bjarni-Gudmundsson-768x1024.jpg)
Höfundur bókarinnar Bjarni Guðmundsson ásamt Bjarna Jónssyni þingmanni Vinstri grænna