Næsta laugardag verða þrjár myndlista opnanir á Flateyri. Þrír myndlistarmenn opna sýningar á verkum sínum laugardaginn 13. júlí 2024.
Kl. 16.00 opnar Hrafnhildur Arnardóttir, einnig þekkt sem Shoplifter, sýningu sína Gátt, í galleríinu „Undir brúnni“. Líklega er um að ræða eitt minnsta gallerí landsins, undir gömlu brúnni fyrir ofan Tankinn á Sólbakka.
Kl. 16.30 opnar Kristján Björn Þórðarson innsetningu sína Endurlit, í Tankinum.
Þá opnar Hrafnkell Sigurðsson sýninguna Innhverfingar, kl. 17.00 í gömlu slökkvistöðinni á Brimnesvegi. Um er að ræða ný ljósmyndaverk sem byggja á verki Hrafnkels sem sýnt var undir brúnni í fyrra.
Sýning Hrafnkels verður opin til og með 21. júlí, sýning Kristjáns Björns verður opin til og með 6. ágúst og sýning Shoplifter undir brúnni mun standa út sumarið.
Allir velkomnir.
![](https://www.bb.is/wp-content/uploads/2024/07/Flateyri_tankurinn.jpg)
Tankuirnn Flateyri. Þaar verður Kristján Björn með sýningu.