Sögustund með vestfirska sagnameistaranum Einari Kárasyni verður næstkomandi sunnudag kl. 16:00 í Kómedíuleikhúsinu í Haukadal.
Þetta er sögustund um mann sem var öllum öðrum klárari þegar kom að útreikningum og rökhugsun þeim tengdum, enda varð hann heimsmeistari í erfiðustu hugaríþrótt sem mannkynið hefur fundið upp.
En þrátt fyrir sína snilligáfu þá kunni hann ekki fótum sínum forráð í daglegu lífi og mannlegum samskiptum.
Útkoman varð sú að þessi maður sem varð heimsmeistari í skák með meiri yfirburðum en sést hafa, fyrr eða síðar, varð útskúfaður fangi eigin fordóma og ranghugmynda, og hefði endað æfi sína í illræmdum fangelsum ef gamlir vinir á Íslandi hefði ekki frelsað hann hingað heim. En þar sem misskilningurinn átti líka eftir að taka á sig grátbroslegar myndir
