Um helgina voru vegleg hátíðahöld í tilefni sjómannadagsins víða um Vestfirði. Á Patreksfirði voru fjögurra daga hátíðahöld með fjölbreyttum dagskrárliðum. Þá var á Suðureyri mikið um að vera og m.a. var Hilmar Gunnarsson sæmdur heiðursmerki sjómanna og var athöfnin í sjómannadagsmessu í Suðureyrarkirkju.
![](https://www.bb.is/wp-content/uploads/2024/06/Sugandi_Hilmar-485x1024.jpg)
Hilmar Gunnarsson. Mynd: aðsend.
Í Bolungavík hófust hátíðahöld á föstudaginn og stóðu fram á sunnudag. Á laugardaginn var gott veður og léttskýjað og mikill mannfjöldi var samankominn á Brjótnum.
Björgunarsveitin Ernir sýndi húsakynni sín og tækjakost.
![](https://www.bb.is/wp-content/uploads/2024/06/Bol_sjo_ernir-1024x768.jpg)
Aðstaða sveitarinnar er hin glæsilegasta og tækjakostur öflugur.
Gestum og gangandi var boðið upp á grillaðan fisk og lax í húsakynnum Fiskmarkaðarins og var löng röð við pönnurnar.
![](https://www.bb.is/wp-content/uploads/2024/06/Bol_sjo_fjoldi-768x1024.jpg)
Fiskurinn var vinsæll.
![](https://www.bb.is/wp-content/uploads/2024/06/Bol_sjo_matur-768x1024.jpg)
Eldað var á tveimur risastórum pönnum.
![](https://www.bb.is/wp-content/uploads/2024/06/Bol_sjo_Muggi-1024x768.jpg)
Muggi fyrrverandi hafnarstjóri á Ísafirði var mættur á heimaslóðir og ræddi við Flosa Jakobsson.
![](https://www.bb.is/wp-content/uploads/2024/06/Bol_sjo_JPH-768x1024.jpg)
Jón Páll Hreinsson, bæjarstjóri var á vaktinni og sá til þess að allt gengi snurðulaust fyrir sig.
![](https://www.bb.is/wp-content/uploads/2024/06/Bol_sjo_hlaup-768x1024.jpg)
Þeir hugrökku hlupu eftir brettunum að slöngubátnum.