Reykhóladagar verða haldnir helgina 15.-18. ágúst 2024.
Að þessu sinni verður það Embla Dögg Bachmann sem sér um utanumhald og framkvæmd á hátíðinni.
Embla hefur fullt af hugmyndum og er mjög spennt fyrir þessu verkefni en hana langar líka að heyra raddir íbúa.
Því eru hugmyndaríkir íbúar hvattir til að hafa samband við hana með tillögur og uppástungur um dagskrárliði.
Embla stefnir á að birta drög að dagskrá upp úr miðjum júlí. Sum atriði þarfnast nokkurs undirbúnings og er það ástæða þess að svo tímanlega er byrjað að kynna hátíðina.
Lofað er góðri skemmtun fyrir allan aldur.
