Nýja sveitarfélagið á sunnanverðum Vestfjörðum heitir tímabundið Sameinað sveitarfélag Tálknafjarðarhrepps og Vesturbyggðar samkvæmt því sem fram kemur í frétt frá Byggðastofnun.
Sveitarfélög á Vestfjörðum eru nú 8 talsins, en þau voru flest 35 á árunum 1943-1963.
Í Vestur-Barðastrandarsýslu, þar sem nýja sveitarfélagið er, voru sex sveitarfélög á þessum tíma: Barðastrandarhreppur, Rauðasandshreppur, Patrekshreppur, Tálknafjarðarhreppur, Ketildalahreppur og Suðurfjarðahreppur. Árið 1987 varð Bíldudalshreppur til úr Ketildala- og Suðurfjarðarhreppum en árið 1994 sameinuðust allir hreppar á svæðinu nema Tálknafjarðarhreppur í Vesturbyggð og hélst sú sveitarfélagaskipan óbreytt þar til nú.
