Sunnudaginn 19. maí n.k. verður formlega til nýtt sveitarfélag með sameiningu Tálknafjarðarhrepps og Vesturbyggðar.
Þeim áfanga verður fagnað með fjölskylduveislu í íþróttahúsinu á Tálknafirði á sunnudaginn kl. 12:30, með stuttri skemmtidagskrá, hoppukastala og kaffiveitingum.
Frítt verður í sund á Tálknafirði og verður sundlaugin opin milli kl. 11:00 og 14:00 í tilefni dagsins.
