Um helgina ætlar Halla Hrund Logadóttir, forsetaframbjóðandi Íslands, sú sem kölluð hefur verið „spútnikframbjóðandi“ þessarar kosningabaráttu, að heimsækja norðanverða Vestfirði.
Halla Hrund hefur lagt áherslu á mikilvægi landsbyggðarinnar og er áhugasöm að fá að heyra hvað brennur helst á íbúum svæðisins enda mikilvægt fyrir forseta að skilja þarfir, áskoranir og tækifæri sem byggðir landsins standa frammi fyrir.
Halla Hrund hlakkar því til samtals við íbúa á opnum fundum og ræða hvernig best sé að takast á við stóru málin sem snerta bæði landsbyggðina og þjóðina í heild sinni.
Þegar hafa þrír fundir verið settir á dagskrá en ef aðstæður leyfa er líklegt að þeim muni fjölga.
Dagskráin nú er sem hér segir:
Föstudagur 19. apríl – Klukkan 18:00 í Gunnukaffi, Flateyri
Sunnudagur 21. apríl – Klukkan 13:00 í Verbúðinni, Bolungarvík
Sunnudagur 21. apríl – Klukkan 20:00 í Bryggjusal Edinborgarhússins á Ísafirði
Á fundunum mun Halla Hrund fara yfir það hvers vegna hún býður sig fram og sína sýn á embætti forseta Íslands í íslensku samfélagi og á alþjóðavettvangi. Þau sem hafa áhuga á að kynnast Höllu Hrund og framboði hennar betur eru hvött til að láta sjá sig!
Halla Hlakkar til fjörugrar helgar með tónleikum og Fossavatnsgöngu vestra.
Verið hjartanlega velkomin!
