Á vefsíðu Félags íslenskra bifreiðaeigenda er sagt frá Lexie Alford sem setti á dögunum opinbert met með því að vera fyrsta manneskjan sem ekur í kringum allan heiminn á rafknúnu farartæki, nýjum Ford Explorer rafmagnsjeppa.
Ótrúleg ferð Ford Explorer rafmagnsjeppans náði yfir sex heimsálfur, en hann ók meira en 30.000 kílómetra í gegnum 27 lönd, eingöngu á raforku.
Baráttan við rafmagnsleysi í Afríku, skort á hleðsluinnviðum í Atacama-eyðimörkinni í Chile, óbyggða vegi, fjallaskörð og frost, sannaði heldur betur hversu mikið afrek ferðalagið var í rafknúnu ökutæki.
Farartækið sem Lexie keyrði var forframleiðsluútgáfa af Ford Explorer rafmagnsjeppa sem nú verður innan fárra daga hægt að panta á Íslandi. Á meðan á ferðinni stóð notaði hún margvíslegar hleðslulausnir, allt frá 2,2 kw riðstraumstengjum til DC hraðhleðslutækja og færanlegs rafhlöðupakka.
