Forseti Íslands Guðni Th. Jóhannesson mætir á aðalfund Sögufélags Ísfirðinga, sem haldinn verður á skírdag, fimmtudaginn 28. mars í Safnahúsinu á Ísafirði og hefst kl 17.
Guðni mun flytja erindi sem nefnist Vestfirðingar og útfærsla fiskveiðilögsögunnar á síðustu öld.
Er ekki að efa að um áhugavert erindi verður að ræða og gott framtak hjá Sögufélaginu að fá sagnfræðinginn Guðna Th Jóhannesson til þess að fjalla um þetta efni.
