Tvö tilboð bárust í verkið „Reykhólahreppur – Karlsey, þekja og lagnir 2024“ sem Vegagerðin bauð út. Tilboðin voru opnuð í síðustu viku.
Geirnaglinn ehf., Ísafirði bauðst til að vinna verkið fyrir 96.256.600 kr sem er 18,4% yfir áætluðum verktakakostnaði.
Alm. umhverfisþjónustan ehf., Grundafirði bauð 116.600.500 kr sem er 43,5% yfir áætlun.
Helstu verkþættir og magntölur eru:
· Steypa upp 1 stk. rafbúnaðarhús og 3 stk. stöpla undir ljósamöstur
· Leggja ídráttarrör fyrir rafmagn og koma fyrir rafmagnskápum
· Leggja vatnslögn og koma fyrir vatnsbrunnum
· Grófjafna yfirborð og þjappa, fínjafna undir steypu
· Slá upp mótum, járnbinda og steypa þekju, alls um 1.370 m²
Verkinu skal lokið eigi síðar en 30. nóvember 2024.
