Föstudaginn 9. febrúar heldur Gylfi Ólafsson erindi í vísindaporti sem nefnist Ágrip af sögu heilbrigðisþjónustu í heilbrigðisþjónustu Vestfjarða.
Í erindi sínu lýsir Gylfi ýmsum þáttum úr sögu heilbrigðisþjónustu á Vestfjörðum frá öndverðu til dagsins í dag, en hann undirbýr nú grein í ársrit Sögufélags Ísfirðinga um efnið. Fjallað verður um hús, sameiningu og áhugaverða atburði í þessari löngu sögu.
Gylfi er uppalinn á Ísafirði, er með doktorspróf í heilsuhagfræði og var forstjóri Heilbrigðisstofnun Vestfjarða frá 2018-2023.
Erindið fer fram í kaffistofu Háskólaseturs Vestfjarða frá kl. 12:10 til 13:00.
