Kranar á Egilsstöðum áttu lægsta tilboð í stálþil á Langeyrar við Súðavík í Álftafirði.
Tilboð voru opnuð í gær. Verkið felst í því m.a. að steypa 23 akkerissteina., reka niður 85 tvöfaldar stálþilsplötur og að steypa 119 metra langan kantbita með pollum, kanttré , stígum og þybbum auk jarðvinnu. Áætlaður kostnaður var um 164 milljónir og verkinu á að vera lokið 1. nóvember á næsta ári.
Niðurstöður úr útboðinu voru þessar:
Bjóðandi | Tilboð kr. | Hlutfall | Frávik þús.kr. |
Borgarverk ehf., Borgarnesi | 238.808.000 | 145,5 | 81.031 |
HAGTAK HF., Hafnarfirði | 213.250.000 | 129,9 | 55.473 |
Áætlaður verktakakostnaður | 164.102.600 | 100,0 | 6.326 |
Kranar ehf., Egilsstöðum | 157.776.666 | 96,1 | 0 |