Vikuna 7. – 11. ágúst fer fram sumarnámskeið fyrir 5 – 8 ára börn í Edinborgarhúsinu á Ísafirði. Dagskráin verður frá kl. 10 – 12 alla daga og unnið verður með bátsferðalag sem þema í gegnum tónlist, myndlist og sögur. 
Námskeiðinu er ætlað að örva íslenskukunnáttu þar sem íslenska er annað mál barnanna eða eitt af mörgum tungumálum. Lögð verður áhersla á að börn sem búa erlendis geti ræktað tengsl sín við Ísland og skapað tengingar við börn sem búa á Íslandi.
Hugmyndin að verkefninu vaknaði í fyrra þegar áhugafólk um fjöltyngi fundaði á Ísafirði. Anna Hildur Hildibrandsdóttir stýrir framkvæmd þess í samstarfi við Menningarmiðstöðina Edinborgarhúsinu og Ísafjarðarbæ.
Námskeiðið í sumar er tilraun sem tengist hugmyndum um að stofna sumarskóla fyrir fjöltyngd börn á Ísafirði.
Frekari upplýsingar veitir Anna Hildur – anna@annahildur.com – eða Jóngunnar í síma 620 5778
