Menningarmálanefnd leggur til við bæjarstjórn að samþykkja endurnýjun þriggja ára samnings við Act Alone um styrk til að halda einleikshátíðina og gildi framlengdi samningurinn fyrir árin 2024-2026.
Bæjarstjórn Ísafjarðarbæjar kemur saman í dag og verður málið tekið til afgreiðslu á fundinum.
Í gildi er samningur sem gerður var 2021 fyrir árin 2021-2023 um 700.000 kr. árlegan styrk til hátíðarinnar.
Samningsfjárhæðin verður óbreytt.
Markmið samningsins er að efla og glæða áhuga bæjarbúa á leiklist og auðga menningarlíf í
Ísafjarðarbæ, auk þess að efla enn frekar leiklistarhátíðina Act alone sem haldin er á Suðureyri að sumarlagi.
Ísafjarðarbær leggur til starfskrafta starfsmanna þjónustumiðstöðvar við fegrun og snyrtingu umhverfis Suðureyrar, u.þ.b. viku fyrir hátíðina. Felst vinnuframlagið í því að sópa götur, tæma ruslafötur, slá gras á opnum túnum og hreinsa beð. Í kjölfar hátíðarinnar verða ruslafötur tæmdar aftur.
Ísafjarðarbær leggur hátíðinni til, til láns, fánastangir og útisvið ef þörf krefur, og leggur jafnframt til starfskrafta starfsmanna þjónustumiðstöðvarinnar.