Í gær voru opnuð tilboð í tvær brýr yfir Fjarðarhornsá og Skálmardalsá, ásamt vegagerð við hvora brú fyrir sig, samtals um 1,8 km. Brýrnar eru beggja vegna við Klettsháls og eru steinsteyptar eftirspenntar 34 m plötubrýr.
Þrjú tilboð bárust og voru þau öll verulega yfir kostnaðaráætlun sem er 718,4 m.kr. Lægstbjóðandi var Eykt ehf, sem bauð 1.130 m.kr. og var 57% yfir kostnaðaráætlun.
Verkinu skal að fullu lokið eigi síðar en 1. desember 2025.
Verkið var áður auglýst í maí á þessu ári, en þá bárust engin tilboð og var því auglýst aftur nú.
