Apótek Lyfju á Ísafirði flutti í síðasta mánuði úr húsnæði sínu við Pollgötuna og er komið í miðbæinn á Austurvegi 2, sem er á horni Austurvegar og Hafnarstrætis, í gamla húsnæði Kaupfélags Ísfirðinga.
Jónas Þór Birgisson, apótekari var ánægður með breytinguna þegar Bæjarins besta leit inn í vikunni. Hann sagði að húsnæðið væri 50% stærra en það sem apótekið hafði á Pollgötunni. Rúmt og bjart er í apótekinu gott að finna vörurnar. Eins fannst honum það gott að vera kominn með starfsemina í miðbæinn.
Kaupfélag Ísfirðinga reisti húsið og tók í notkun 1931 og þar var aðalverslun félagsins um langt árabil. Síðast var Kristbjörn Sigurjónsson með vinsæla skíðavöruverslun þarna í hjarta bæjarins.
![](https://www.bb.is/wp-content/uploads/2023/11/Lyfja_bud-768x1024.jpg)
Apótekið er í björtu og rúmgóðu húsnæði.
![](https://www.bb.is/wp-content/uploads/2023/11/Lyfja_husn-1024x768.jpg)
Apótek Lyfju er komið í miðbæinn, hjarta Ísafjarðar.
Myndir: Kristinn H. Gunnarsson.