Fjórir sóttu um embætti forstjóra Heilbrigðisstofnunar Vestfjarða sem auglýst var laust til umsóknar í september síðastliðnum.
Umsækjendur eru:
- Alberta G. Guðbjartsdóttir, deildarstjóri
- Hrafnhildur Ólöf Ólafsdóttir, hjúkrunarstjóri á Patreksfirði
- Lúðvík Þorgeirsson, rekstrarstjóri
- Þuríður Pétursdóttir, forstöðumaður
Heilbrigðisráðherra mun skipa í embættið að undangengnu mati nefndar sem skipuð er samkvæmt lögum um heilbrigðisþjónustu og hefur það hlutverk að meta hæfni umsækjenda um stöður forstjóra heilbrigðisstofnana.
Skipað verður í embættið til fimm ára frá 1. febrúar 2024.
