Samstarfsnefnd um sameiningu Tálknafjarðarhrepps og Vesturbyggðar hefur unnið greinargerð um sameiningu sveitarfélaganna. Álit hennar og greinagerð hafa fengið umræðu í sveitarstjórnum beggja sveitarfélaga, án atkvæðagreiðslu. Næstu skref er að íbúar fái tækifæri til að greiða atkvæði um tillögur nefndarinnar. Mun kosningin fara fram dagana 9.-28.október í báðum sveitarfélögum.
Þjóðskrá hefur opnað fyrir rafrænan aðgang að kjörskrárstofni svo kjósendur geti með einföldum hætti kannað hvort þeir eru skráðir á kjörskrá í kosningunum sem fara fram 9.- 28. október næstkomandi. Ekki er flett upp í þjóðskrá heldur er flett upp í kjörskrárstofni. Að kjördegi loknum verður lokað fyrir aðgang að uppflettingunni.
Nánari upplýsingar má nálgast hér (Hvar á ég að kjósa? | Þjóðskrá (skra.is))
Hverjir mega kjósa?
Íslenskir og norrænir ríkisborgarar sem eiga lögheimili í öðru hvoru sveitarfélaginu sem um ræðir og hafa náð 16 ára aldri á kjörtímabilinu geta kosið um sameiningu. Erlendir ríkisborgarar, 16 ára og eldri, sem átt hafa lögheimili á Íslandi í þrjú samfellt á kjörtímabilinu hafa einnig kosningarétt.
