Orkubú Vestfjarða hefur fengið samþykki bæjarráðs Ísafjarðarbæjar fyrir uppsetningu tveggja rafhleðslustöðva á Flateyri og Suðureyri.
Verða settar upp tvær 22kW AC hleðslustöðvar á bílaplanið við sundlaugina á Flateyri og tvær 22kW AC
hleðslustöðvar á bílaplanið við sundlaugina á Suðureyri. Hver stöð getur hlaðið tvo bila samhliða með 22kW afli á hvort tengi og því myndu fjórir rafbílar geta hlaðið í einu á hverjum stað með þessu fyrirkomulagi.
Vill Orkubúið setja stöðvarnar sem næst sundlaugunum.
Orkubúið rekur í dag um tuttugu hleðslustöðvar á tólf stöðum víðs vegar um Vestfirði og segir í erindi þeirra til Ísafjarðarbæjar að markmiðið sé að efla hleðsluinnviði á Vestfjörðum og gera heimamönnum jafnt sem ferðamönnum að taka þátt í orkuskiptunum á Íslandi.