Í dag fara fram tveir leikir í Lengjudeildinni í knattspyrnu karla, sem frestað var á sínum tíma. Leikirnir eru í 11. umferð deildarinnar. Vestri fær Selfoss í heimsókn á Olísvöllinn og hefst leikurinn kl 18. Hinn leikurinn er milli Gróttu og ÍA. Að loknum leikjunum verða búnar 15 umferðir af 22.
Vestri er nú í 6. sæti deildarinnar með 20 stig, jafnmörg og Grótta sem er í 5. sæti.
Efsta liðið vinnur sér sæti í Bestu deildinni en liðin 2. – 5. spila um eitt laust sæti í sömu deild. Vestri er í harðri keppni um sæti í umspilinu og með góðum úrslitum í dag gæti liðið lyft sér upp í sæti 4 eða 5.
