Ársverðbólga mælist nú 7,6 prósent og minnkar töluvert frá júnímánuði þar sem hún mældist 8.9 prósent. Þetta er mun lægra en margir sérfræðingar höfðu spáð.
Þetta kemur fram í gögnum á vef Hagstofunnar.
Einnig segir þar að vegna sumarútsalna hafi verð á fötum og skóm lækkað um 8,7 prósent.
Kostnaður vegna búsetu í eigin húsnæði (reiknuð húsaleiga) lækkaði um 0,7 prósent og flugfargjöld til útlanda hækkuðu um 13,9 prósent.
Einnig kemur fram í frétt Hagstofunnar að síðastliðna tólf mánuði hafi vísitala neysluverðs hækkað um 7,6 prósent og vísitala neysluverðs án húsnæðis um 7,1 prósent.
