Fjórir Vestfirðingar eru á meðal þeirra fjórtán sem fengu heiðursmerki hinnar íslensku fálkaorðu á Bessastöðum í gær.
Árný Aurangsari Hinriksson kennari, Ísafirði fékk riddarakross fyrir störf í þágu ættleiddra barna.
Guðmundur Fylkisson lögreglumaður, frá Ísafirði, var sæmdur riddarakross fyrir störf í þágu ungmenna og samfélags.
Hafliði Már Aðalsteinsson skipasmíðameistari, frá Hvallátrum á Breiðafirði, fékk riddarakross fyrir framlag til atvinnulífs, strand- og iðnmenningar.
Peter Weiss forstöðumaður, Önundarfirði, riddarakross fyrir frumkvöðlastarf á sviði menntunar.
