Segja má að strandveiðar hafi farið vel af stað þetta árið.
Samtals hafa veiðst 2.052 tonn af þorski á fyrstu sjö dögum strandveiða eða að meðaltali 293 tonn á dag.
Bátunum fjölgar með hverjum degi og eru nú 660 bátar komnir með leyfi en voru um 100 færri á sama tíma í fyrra.
Þorskverð á mörkuðum hefur verið um 20 % hærra en á sama tíma í fyrra.
Verði aflabrögð áfram með sama hætti má búast við því að að þau 10 þúsund tonn af þorski sem úthlutað hefur verið verð veidd á 30 – 40 dögum og gæti veiðum þá lokið um miðjan júlí.
