Annasamt verður í Ísafjarðarprestakalli á næstu dögum. Í dag skírdag, verða guðsþjónustur í Ísafjarðarkirkju og Suðureyrarkirkju og í kvöld verður helgistund í Flateyrarkirkju og þingeyrarkirkju.
Á föstudaginn langa verður píslarganga og þrjár helgigöngur auk helgistundar á Eyri á Ísafirði. Dagurinn hefst snemma með píslargöngu frá Þingeyrarkirkju fyrir Dýrafjarðarbotn samtals 36 km leið. Þá verður helgiganga frá Kirkjubólskirkju í Valþjófsdal að Holtskirkju í Önundarfirði. Þriðja helgigangan er frá Kirkjubóli í Dýrafirði að Þingeyrarkirkju.
Á páskadag verða einar sjö guðsþjónustur í jafnmörgun kirkjum. Í Dýrafirði verða guðsþjónustur í Þingeyrarkirkju og Mýrakirkju. Í Skutulsfirði verður hátíðarguðsþjónusta í Ísafjarðarkirkju. Einnig verða guðsþjónustur í Hólskirkju í Bolungavík, Súðavíkurkirkju, Suðureyrarkirkju og Holtskirkju.
