Í dag eru rétt 70 ár liðin síðan sá einstæði atburður varð að barnaskólinn í Hnífsdal fauk af grunni í heilu lagi. Í skólanum voru þá 35-40 nemendur, skólastjóri og kennari. Fimm slösuðust illa, fjögur börn og skólastjórinn. Um kl níu um morguninn skall hvirfisvindur á skólahúsið og brotnuðu allar rúður á suðurgafli og húsið lyftist af grunninum. Segir í frásögn af atburðinum í Tímanum að húsið hafi tvístrast og gereyðilagst. Kennslustund stóð yfir og voru öll börnin inn í stofu og er það talið hafa afstýrt því að verr hafi farið.
Í gær hittust „fokbörnin“ og minntust tímamótanna. Sigríður Ólöf Kristjánsdóttir tók mynd af þeim, en faðir hennar var í skólanum, auk tveggja systkina hans og föður þeirra.
![](https://www.bb.is/wp-content/uploads/2023/02/Hnd_fokborn-1024x577.jpg)
![](https://www.bb.is/wp-content/uploads/2023/02/Hnd_timinn.jpg)
Tenglar á blaðagreinar:
https://timarit.is/page/1093920?iabr=on…
https://timarit.is/page/1288432?iabr=on…
https://timarit.is/page/1017684?iabr=on…