Bæjarstjórn Ísafjarðarbæjar afgreiddi í gær tillögu frá Örnu Láru Jónsdóttur um næsta hafnarstjóra. Tillagan var lýst trúnaðarmál og slökkt á upptöku af fundinum. Ekki kemur fram í upptökunni hvernig tillögunni reiddi af né það hvern lagt var til að yrði ráðinn.
Skýringar sem gefnar voru óformlega eru þær að ekki væri búið að semja við viðkomandi einstakling.
