Kl. 14:00-14:45 nk. laugardag 22. okt. hefst hið árlega opna hús í Tónlistarskólanum. Gestum og gangandi gefst tækifæri til að ganga um stofur og fylgjast með kennslu.
Kl. 15:00 verða brauðtertur í Hömrum frá sjálfum Íslandsmeistaranum í brauðtertugerð, Gunnu Siggu.
Kl. 15:00-15:30 segja nokkrir nemendur frá eftirlætis tónverki og spila stutt tóndæmi af Spotify.
Kl. 15:30 verður bæjarlistamaður kynntur og í lokin stjórna Bjarney Ingibjörg og Sigrún Pálma nokkrum fjöldasöngslögum. Textarnir verða á heimasíðu skólans, svo að það vefst ekki fyrir neinum að taka undir.
![](https://www.bb.is/wp-content/uploads/2022/10/Tonis_sigrunP.jpg)