Forminjafélag Súgandafjarðar stendur fyrir byggingu tilgátuhúss í Súgandafirði sem er byggt á fornleifauppreftri á Grélutóftum í Arnarfirði frá landnámsöld. Eyþór Eðvarðsson, forsvarsmaður Fornminjafélagsins og driffjöður í framkvæmdunum segir í færslu á Facebook frá framvindu verksins:
„Þá er þessari törn lokið við byggingu landnámsskála Hallvarðs súganda í Súgandafirði. Þetta er fjórða árið sem við vinnum að skálanum og hann er farinn að taka á sig mynd. Þakið er orðið svo gott sem klárt fyrir hrísinn og torfið á næsta ári og þá lokum við skálanum. Vonandi getum við kveikt upp í langeldinum á næsta ári og sagt fyrstu sögurnar í þessu verðandi söguhúsi.“
Hann segir byggingu á þessu tilgátuhúsi vera eitt allra skemmtilegasta verkefni sem hann hafi tekið þátt í.
Myndir: Eyþór Eðvarðsson.
