Níu smit greindust á Vestfjörðum á aðfangadag og jóladag og eru þau þá orðin alls 27 sem eru virk. Á aðfangadag greindust 4 smit og 5 á jóladag.
Þrjú smitanna voru á Ísafirði, tvö á Þingeyri, tvö á Hólmavík og eitt í Súðavík og Patreksfirði.
Smitin eru langflest á Þingeyri eða 15 alls. Á Ísafirði eru 3 smit og önnur þrjú á Hólmavík. Tvö smit eru virk á Patreksfirði og önnur tvö á Flateyri. Eitt smit er á Drangsnesi og annað í Súðavík.
Þessar upplýsingar koma fram á vef RUV.
Á landinu eru liðlega 2.600 smit og 3.159 til viðbótar eru í sóttkví. Þann 22.12. 2021 voru 10 sjúklingar með covid19 á sjúkrahúsi og 3 á gjörgæslu.