Alls var landað 114 tonnum af bolfiski í Hólmavíkurhöfn í september og októbermánuðum. Mest veiddist á línu eða um 88 tonn. Hlökk ST var aflahæst með 66,5 tonn, en Hilmir ST var einnig á línuveiðum. Hafbjörg ST var á netum og landaði 16 tonnum. Fjórir bátar voru á handfæraveiðum og lönduðu þeir 9 tonnum samtals.
Þrír handfærabátar lönduðu tæplega 9 tonnum í Norðurfirði á tímabilinu. Guðni Sturlaugsson ST var aflahæstur þeirra með 4,5 tonn.
Á Drangsnesi bárust 165 tonn í september og október. Samtals var aflinn í Strandasýslu þessa tvo mánuði nærri 300 tonn.
Auk botnfiskaflans var landað í byrjun október 190 tonnum af erlendri rækju á Hólmavík.
