Einar H. Valsson, skipherra, dró íslenska fánann að húni á varðskipinu Freyju í fyrsta sinn í gær að viðstaddri áhöfn skipsins.
Í kjölfarið dró Friðrik Höskuldsson, yfirstýrimaður, stafnfánann upp. Þá var bráðabirgðamerkingu komið upp með nafni skipsins þar sem ekki tókst að koma varanlegu merkingunum til Rotterdam í tæka tíð.
Áhöfn skipsins leggur af stað til Íslands frá Rotterdam í dag og er gert ráð fyrir að varðskipið Freyja verði komið til Siglufjarðar á öðrum tímanum á laugardag.
![Image00027_1635793809667](https://www.lhg.is/media/uncategorized/image00027_1635793809667.jpeg)
Íslenski fáninn kominn upp á varðskipinu Freyju.
![Image00011_1635793809653](https://www.lhg.is/media/uncategorized/image00011_1635793809653.jpeg)
Einar H. Valsson, skipherra, heilsar íslenska fánanum.