Skólablak verður á Torfnesi í dag frá kl. 9 til 14.
Þar koma saman krakkar úr 4-6 bekk á svæðinu og spila saman krakkablak og hafa gaman.
Viðburðurinn er haldinn af Blaksambandi Íslands í samstarfi við CEV (Evrópska Blaksambandið), ÍSÍ, UMFÍ og blakdeild Vestra.
Viðburðinum er skipt upp í 3 tímaramma.
Kl. 9 mætir 4 bekkur úr Grunnskóla Ísafjarðar
Kl. 10.45 mæta 5 bekkur úr Grunnskóla Ísafjarðar og Bolungarvíkur
Kl. 12.30 mæta 6 bekkur úr Grunnskóla Ísafjarðar, Bolungarvíkur, Önundafjarðar og Súðavíkurskóla
Samtals verða þetta um 165 krakkar.
Einar töframaður mun verða kynnir hjá okkur og sjá um smá skemmtiatriði.
Krakkarnir fá Kristal í boði Ölgerðarinnar.
Skólablak er skemmtilegt samstarfsverkefni Blaksambandsins, UMFÍ, ÍSÍ og fleiri. Kristall er styrktaraðili verkefnisins. Þetta er blakverkefni sem fer um allt land í október og er stefnt á að endurtaka leikinn næstu fjögur ár.
