![Peter og Katrín](https://www.bb.is/wp-content/uploads/2021/08/Peter-og-Katrin-696x522.jpg)
Katrín Jakobsdóttir forsætisráðherra heimsótti Háskólasetrið á ferð sinni um Ísafjörð á mánudag.
Katrín átti stuttan fund með starfsmönnum Háskólaseturs og leit við í kennslustund á íslenskunámnskeið semnú stendur yfir. . Einnig fékk hún leiðsögn um Vestrahúsið frá Peter Weiss forstöðumanni og kynnti sér þá fjölbreyttu starfsemi sem fram fer í húsinu.
Katrín var stödd á Ísafirði til að taka þátt í málþingi Tungumálatöfra sem fram fer í Edinborgarhúsinu. Háskólasetrið hefur stutt við það verkefni í gegnum tíðina og hefur m.a. veitt starfsmönnum Tungumálatöfra skrifstofuaðstöðu í Háskólasetrinu undanfarna mánuði.
Það er alltaf ánægjulegt að taka á móti stjórnmálamönnum í Háskólasetrið og kærkomið að fá tækifæri til að kynna þeim starfsemina. Undanfarið eitt og hálft ár hafa heimsóknir verið fátíðar vegna heimsfaraldursins. Á sama tíma hafa orðið miklar breytingar á húsnæði Háskólaseturs og er Katrín því fyrsti stjórnmálamaðurinn til heimsækja okkur eftir að þeim lauk. Breytingarnar eru eru m.a. tilkomnar vegna vaxtar í tengslum við námsleiðina í sjávarbyggðafræði sem að sjálfsögðu bar á góma í samtali við ráherra. Einna mest áberandi er nýtt bókasafn Háskólaseturs sem ráðherra skoðað á ferð sinni um húsið.