Hafnir Ísafjarðarbæjar hafa nú komið fyrir loftgæðamælum á Flateyri, Suðureyri, Þingeyri og á þremur stöðum í Skutulsfirði.
Mælarnir gera kleift að fylgjast vel með loftgæðum, t.d. þegar stór skip eru í höfn.
Hægt er að skoða stöðu loftgæða hér: Loftgæði – kort
Með því að smella á mælana á kortinu er hægt að fá upplýsingar um loftgæði viku aftur í tímann.
Hafa ber í huga að mælarnir sýna stundum háa, tímabundna toppa en þá er oft hægt að rekja til bíla í lausagangi í grennd við mælana eða jafnvel til þess að verið er að grilla í nágrenninu.
