Á laugardagginn var stærsta sjónvarpsstöðin í Frakklandi TF1 með fjögurra mínútna frétt um vestfirskan og austfirskan ASC umhverfisvottaðan lax alinn við köldustu skilyrði sem þekkjast í sjó fyrir Atlandshafslax. Sérstaklega var kynnt vinnsla Fisherman á Suðureyri á eldislaxinum og sagt frá því hvernig laxinn er reyktur með birki.
8 milljónir horfðu á
Elías Guðmundsson, framkvæmdastjóri Fisherman segir að hráefnið sé sótt til eldisfyrirtækja á Vestfjörðum svo sem Arctic Fish, Hábrún og Tungusilungs. Áhorfið var áætlað um 8 milljónir manna svo kynningin var líklega sú mesta sem hefur verið á Íslenskum lax erlendis segir Elías.
„Um 30 beiðnir hafa samt komið frá Frakklandi til okkar um helgina um sölusamstarf í kjölfar þessa fréttar svo þau eru greinilega að tala vel um okkur.“
Sigurður Pétursson hjá Arctic Fish þekkir vel til í Frakklandi þar sem hann bjó í tæp 9 ár og Sigurður segir að þar séu mestu gæðakröfur sem þekkist fyrir lax og að sá markaður er sá stærsti í heimi og er núna jafnframt stærsti markaður fyrir ferskar sjávarafurðir frá Íslandi.
Sigurður segir þetta einn þann besta árangur sem náðst hefur í að kynna íslenskar laxaafurðir og segist vera stoltur af því að hráefni Arctic Fish sé notað til þessarar framleiðslu.
https://www.tf1.fr/tf1/jt-we/videos/islande-tout-est-bon-dans-le-saumon-46706446.html
