Það er ýmislegt gert á aðventunni þó bannsett veiran hefti margar góðar hugmyndir.
Í gær gerði 6.bekkur GS við Grunnskólann á Ísafirði sér ferð upp á Hjúkrunarheimilið Eyri og söng þrjú lög fyrir utan allar deildir heimilisins.
Á leið sinni upp eftir bættist bekknum góður liðsauki þegar að skólastjóri Tónlistarskóla Ísafjarðar, Bergþór Pálsson, bættist i hópinn og leiddi sönginn ásamt Guðnýju Stefaníu Stefánsdóttur umsjónarkennara.
Þetta var gefandi og skemmtileg stund sem allir nutu vel.
