Listasafn Samúels stendur fyrir listahátíð í Selárdal um verslunarmannahelgina.
Meðal þeirra sem fram koma eru Magnús Þór Sigmundsson og Monika Abendroth.
Þórarinn Sigurbergsson leikur á gítar og Berta Ómarsdóttir mun syngja við undirleik Svans Vilbergssonar.
Í boði verður leiðsögn í gönguferð í Selárdal, listasmiðja fyrir fjölskylduna, matur úr héraðinu, kaffi og meðlæti, brennusöngur.
Sirra Sigrún Sigurðardóttir, Erling Klingenberg, Elísabet Brynhildardóttir og Selma Hreggviðsdóttir opna myndlistarsýningu í Listasafni Samúels.
Karina Hanney Marrero sér um jóga á morgnana.
Loks mun Kómedíuleikhúsið flytja leikrit um Samúel og sýnd verður kvikmyndin Steyptir draumar í kirkjunni.
Hátíðarpassi kostar kr. 9000 frá föstudegi til sunnudags, 31. júlí til 2. ágúst. Hægt er að fá dagspassa á 5000 og tveggja daga passa á 7000.