Sjálfsbjörg í Bolungarvík heldur upp á 60 ára afmæli næstkomandi laugardag 7. september kl. 13-17 í Félagsheimilinu í Bolungarvík, en stofndagur félagsins var 5. september 1959. Af því tilefni er öllum velunnurum félagsins boðið í afmælisveislu þar sem auk ljúffengra veitinga verða ýmsar uppákomur. Allar gjafir eru afþakkaðar á þessum hátíðardegi.
Formaður Sjálfsbjargar er Kristján Karl Júlíusson.
