Bæjarráð Ísafjarðarbæjar hefur samþykkt erindi Skógræktarfélags Ísafjarðar um 2,3 ha svæði á Hafrafellshálsi til skógræktar. Félagið hyggst planta furu og birki undir merkjum landgræðsluskóga og gera svæðið þannig álitlegra.
Þá tekur bæjarráðið vel í aðra hugmynd Skógræktarfélagsins um að rækta stærra svæði 8,5 ha að stærð. Bæjarráð lýsti yfir vilja til þess að Skógræktarfélag Ísafjarðar fái svæðið sem skilgreint er meðfylgjandi mynd í greinargerð til skógræktar og vinni að því með Ísafjarðarbæ að gera svæðið að útivistar- og útsýnissvæði.
